上年年尾,屋企終於都裝修啦,好在嗰排要做 sale, 無乜時間諗太多嘢,個人都攰到爆,
仲邊有時間諗其他嘢,反正宜家都無愛情啦,而屋企又裝修好啦,感覺喚然一新一樣咁,去阿婆
暫住嗰排除做 sale 嗰幾日瞓得幾好之外,其餘日子都瞓得唔好,可能唔慣啦,不過就幫阿婆掉咗
d 佢認為仲食得嘅嘢啦,回想佢當時個表情,真係幾好笑
!!
!! 上年發生好多事,有拖拍,家中至親由病情反覆,直至離開都令我好唔開心,又要返工,每日都迫
自己扮到好開心咁,真係好辛苦,可惜 bf 唔諒解呢,總覺得我搵藉口,令我好心痛,我當時好需要佢係
我身邊支持我,但佢只係用sms 傾, 完全無搵我,唉~~~~~我有時會諗我真係咁差咩,不過佢都唔要我,
我可以點吖,算啦,係佢唔識珍惜我嗟,佢根本唔係咁愛我嘅,而我要等嘅人唔係呢個人,希望好快出現啦!!
不過有一班朋友係背後支持我,有 d 雖然唔識,但都好多謝佢哋畀我嘅意見,起碼可以認清楚嗰個人,
加上親人嘅支持,令我知道鍾意一個人唔係咁樣吖,另外係公司都有同事 keep 住聯絡,加速我快啲淡忘件
事,而自己終於係上個月同阿姐辭職啦,仲有17 日就唔駛咁辛苦啦,鬆一口氣吖,今晚收工大阿姐留我,但我
都係決定走,因份工返工時間太飄忽,搞到我一個頭幾個大吖,仲成日都九唔搭八咁,宜家唔止要搵份長工外,
仲要搵個愛我真係錫我對我好嘅另一半 tim 吖,對於我嚟講愛情同家庭都重要,工作固然要,但健康最緊要吖?
請先 登入 以發表留言。