新一年又到啦,今年新年有得去旅行,雖然只係去3日兩夜唔算好多,但係都有 d 難忘回憶吖,heheeeeeeeeeeeeee!!!
第一日出發由於唔陪瞓嘅關係,個人好鬼攰,完全唔願起身,但都要迫自己起身吖,本人有賴床習慣,尤其嗰 d 凍到痺嘅日子,
相信好多人都唔想起身啦, 不過都有起身搞一大輪先出到門口飛的出中港城,但當我哋成團人等落船,都要等成三個字,查實我
哋成團人都搭 8:15a 嗰班船,但隻船仲未到,班船亦係加班船 bor,所以都唔可以準時落車,而當我哋上船就落雨兼大風,凍到痴肺,原
本小女子係著連身裙 ga, 又無戴羽絨吖, 都凍到要著番條牛仔褲先好啲啲喳,當日都係坐車多,無乜點去景點,食完飯只係喺江濱公園,
望吓景同吹吹風,本人凍到揸相機都要影幾次先影到嘢,(其實係隻手畀風吹到硬晒貽) ,, 上咗車就返酒店,當地叫賓館休息,
返賓館前都有食飯嘅~~~~~
第二日我哋要好早起身食早點,而早點係要坐車出去食,賓館係無嘢食 ga,而呢日係最攰最多景點要去,所以要好早出發,第一
站係去大旭山瀑布,之後去連洲地下河,條地下河都幾深吓有1.7米,其間都有食午飯, 睇完地下河我哋坐車食晚餐,當地導遊問我哋有無
興趣睇篝火晚會,個晚會主要係講瑤族人嘅生活,同瑤族男女係點認識,當然有個小小遊戲同我哋玩啦,個遊戲頭一個係觀眾席邀請兩男
兩女係限時3分鐘著上當地瑶族人嘅服飾,鬥快著上身而又正確先算贏,而另一個當然係為我哋壽星仔而設啦,係叫壽星仔同另一位參賽
者玩捒新娘,當捒到心儀嘅沙瑤妹,同對方拖一拖隻手,之後會場會將燈較暗,要參賽者係班女仔當中揾番自己嘅新娘,頭一次太黑揾唔到,
主持就請原本佢哋兩個沙瑤妹再出嚟畀杯忘情酒佢哋飲,等佢哋再睇真d, 壽星仔係我哋團班團友加埋有份遊戲嘅沙瑤妹幫手就梗係揾
到啦,另一位其實都係我哋團友,但佢捒嗰個一見到對方急急腳閃,仲九秒九走返入後台,場面幾搞笑~~~睇完表現者仲請觀眾上台齊齊跳,
而本人有上台睇就無跳到,係咪好奇怪呢,(我凍到唔想郁,),之後我哋行去搭旅遊車返賓館休息啦,點之一路行一路落起雨,我當堂嚇到
we 嘩鬼叫咁走上車,勁狼狽吖,,係我後面嘅人見到我,當然哈哈大笑啦,唉~~~鬼叫自己著錯鞋,又帶唔夠御寒
衣物咩,真死蠢~~不過都好開心吖,雖然今日係情人節~~
呢日係最後一日啦~~~,而今日都好早起身,叫做無乜點賴床啦,行程較急同驚險啦,一食完早點就坐車睇萬山王朝,查實係睇山嘅山
勢咁啦,之後就係去千年瑤寨啦,當地嘅人都幾窮吓,不過導遊話佢哋唔算最窮,再入啲仲窮啲 tim wow,點解叫驚險呢,我哋上樓梯時,由於天
氣好凍,地面濕滑之外,有啲仲結霜 tim,係我後面行嘅人仲驚過我,我著平底魷魚鞋,好易線底, hahaaaaaaaaaaaaa,不過我照行可也,原本瑤王用
石葬嘅,而佢間屋張床都幾大吖~~,行完瑤寨,我哋就坐車落山,食午飯,不過就要食得趕啲 lor,而我哋今日坐嗰架旅遊巴就挨唔住壊咗,要中途
換車吖,一換車個司傅就慘啲,食得五分鐘飯,就要問清楚出南沙碼頭嘅路線點行法,飛車出碼頭,係度多謝佢吖.......
而今次旅行除咗係凍到痺之外,仲有我哋食嘅當地食物勁多油,不過值得一讚係我哋入住間賓館有暖氣,而毛巾硬到飛起,最慘厠所沖
涼個企缸係無門兼無浴廉 ga~~~有驚險有好笑嘅,又有山行吖,都唔錯啦,heheeeeeeeeeeeeeeeee,我係相機度發現咗上年嘅相居然仲係度,
