如題,我生日願望終於實現啦,
,回想上一段都有一段長時間無拍拖啦,
,回想上一段都有一段長時間無拍拖啦,上一個令我好痛苦,好難受吖,仲記得當時佢個表情好滿不在乎咁,明明望住我,
但我一望佢就望去第二度,當我問完我要問嘅嘢之後, 我下定決心對呢個人死心,
當我同另一個男同學傾計就睥住人,唉,我已經同 ex 無瓜葛,就算同其他人傾計,佢
又有乜資格管我吖,就算之後佢要求復合,我都無意思想復合,我去邊度佢要知,同邊個
個去,仲要特登去嗰度睇我有無去,令我好煩,好無安全感,又唔信任我,令我無復合必要,
再復合又會唔會再痛落去, 有次同兩個 fd去西九龍中心占塔蘿牌,一占感情見到嗰張死
神牌令我記起佢一句說話,我終於忍唔住喊出嚟吖, 
, 仲嚇親個占卜師,不過好準,
, 仲嚇親個占卜師,不過好準,當時個占卜師仲同我講,會同佢有可能復合,我聽完一 d 都唔開心, 對我嚟講我受夠啦,唔想
再同佢一齊!! 宜家一聽檸檬草的味道就諗起嗰事?
直至到 04年開始覺得點解我仲未有愛情,阿媽亦開始越來越擔心我幾時拍拖,亦令我開始
諗呢個問題吖, 有日撞到一個無聯絡嘅 fd,傾開計佢介紹我去廟街去睇掌相,當時我同柔柔都半
信半疑,係咪真係準,當我去睇完真係同一年有人追,不過係霧水,但真命仲要等多兩年,我當堂嘩然,
仲要等多兩年,但柔柔同我講你都等咗咁多年唔爭在啦,我又諗吓,都係嘅,又再等到上年感覺好強烈,
但都未出現,令我好失望,直到今年又再問多次,相士都覺得奇怪,但同我講過咗正月就有,我就 join 返,
友緣人,結果有一個叫 Mr. 怕羞 嘅人,見到佢張相好熟悉,但我根本完全唔識佢,到佢問我攞電話,就一直
keep 住 sms 同電話,有一日佢要同同事 farewell 話要見我,畀佢拒絕咗,之後到上個月尾先正式見面,當時
我完全認唔到佢,只識得出佢把聲,我同另一個新 net fd 見面, 不過好奇怪,我企係佢身邊我雖然無乜點同佢
講嘢,佢同我 net fd傾計,但佢都可以用對眼不停留意我係邊,令我好驚訝,係佢身上我揾到我一直要揾嘅嘢,
我一直都希望有一個可以為我遮風擋雨嘅,而我係佢身邊我好安全,佢畀任何人都緊張同關心,在乎我嘅人,
而佢好黏身,見少我一陣,都會唔夠人,hahaaaaaa,我同柔柔講我覺得我將來結婚之後未必出嚟做嘢囉,我句說
話係同我 bf 講,我前晚 send sms 同佢講,佢話叫我將來做少奶奶,我一 d 都唔嬲,仲好冧吖~~
請先 登入 以發表留言。