去完旅行返到屋企...........感覺有d 攰吖.......雖然去咗四日 (實際係3日2夜),
但係都有幾種心情啦......記得第一日去到尖咀碼頭嘅時間已經成6點幾,一見條龍
簡直係嚇一跳,勁多人囉.....聽到媽子講有兩班船,同時間集合同搞出境嘅嘢先咁多
人呀......當時都幾壯觀吓....到上咗處女星號心情好興奮....可能第一次上呢隻船兼
夾第一次去台灣啦...heheeeeeeeeeeeeeeeeeee,而我哋全嘅係上將套房,有個露台.......
同上獅子星號格局差唔多咁啦......d 嘢食都唔錯,不過有兩晚都瞓得唔好.......其一
係我張梳化床好細張......好唔慣仲畀我張單人床細張....其二嗰兩晚瞓到半夜都聽
到豬叫咁聲....嘈到瞓唔着.....好慘
.....一到咗台灣......我又變得好
.....一到咗台灣......我又變得好興奮吖.....hahahaaaaaaaaaaaaaaa,我哋所搭嘅船係基隆港泊岸....之後轉搭旅遊巴去
第一個景點....金瓜山金鑛山....行咗條好長嘅石梯啦......之後要行一大段嘅木造嘅
鐵路....先到個鑛山館.....行到二樓嘅最尾見到嚿金好大嚿同成7429公斤咁重嘅金磚,
睇完都覺得嚿金磚幾難攞得走.....然後我,姨仔同uncle就急急腳走返集合地點......沿返
去嗰條路走啦....一落到去集合地點,媽子叫我哋快點啦,全車人等我哋上車,真係唔好
意思.....之後去第二度......九份......條街好似我哋香港嘅赤柱舊墟咁.....條街好窄同好
多嘢食(尤其小食),當中有幾樣好食,有牛肉麵(不過我哋去到賣晒,要等半個鐘),魯肉飯(
唔錯),花枝丸(燒嘅,好多台灣明星去食),綜合丸(有三種丸,有貢丸,福洲丸同花枝丸,有7歲
細路仔拳頭咁大,一d 都唔講得少), 有種甜品係芋圓加d豆腐花同刨冰....仲有杏仁茶都
好味,好香杏仁味(亦可以沖落咖啡,奶茶,果汁同牛奶,有盒同罐裝兩種,仲可以加落麥片
都得,有無糖同有糖你捒),而當地有手工藝陶笛,果凍都好正,仲有一樣不得不提就係喺
7仔有得賣嘅係綠茶益力多......口感完全唔似飲緊益力多,仲有排毒作用,好有效.......
之後上車之後去咗維格餅店買手信,10分鐘之鐘,再去下一站.......西門町.......有 d 似銅鑼
灣咁....當中有蜂蜜苦瓜汁唔錯....(我覺得甘到阿媽唔認得....但都有飲晒).....之後返基隆
港口,去上返處女星號啦,對腳好醱.........好開心.....
請先 登入 以發表留言。